প্ৰথমে ভাটিয়ালি সুৰত এছ ডি বৰ্মনে সৃষ্টি কৰা চিৰসেউজ গীতটো

Website | + posts

বোলছবিখনৰ জনপ্ৰিয়তাত ইন্ধন যোগাইছিল এটি বিশেষ গীতে, যাৰ জনপ্ৰিয়তা আজিও অম্লান। সময়তকৈ আগবঢ়া সেই গীতটোৰ দৃশ্যায়নে সেই সময়ত sensationৰ সৃষ্টি কৰিছিল।

By Team TJC | 1st October, 2020

১৯৬৯ চনৰ কথা। শক্তি সামন্তৰ চিনেমাখনে মুক্তিৰ লগে-লগেই খলকনিৰ সৃষ্টি কৰিছিল। ৰাজেশ খান্না আৰু শৰ্মিলা ঠাকুৰৰ ৰোমাণ্টিক যুটিৱে সেই সময়ত দৰ্শকৰ মনত বহুৱাইছিল এক গভীৰ সাঁচ। ছবিখনৰ সংগীতেও লাভ কৰিছিল জনপ্ৰিয়তাৰ অনন্য শিখৰ। বিশেষকৈ যুৱচামৰ মুখে মুখে আছিল গীতবোৰ। সংগীত পৰিচালনা কৰিছিল শচীন দেৱ বৰ্মনে আৰু সহকাৰী হিচাপে আছিল তেওঁৰেই পুত্ৰ ৰাহুল দেৱ বৰ্মন। ৰাজেশ খান্নাই একেৰাহে ১৭ খন হিট ছবি উপহাৰ দি ছুপাৰষ্টাৰ হিচাপে পৰিগণিত হোৱাৰ ক্ষেত্ৰত এই চিনেমাখনৰ ভূমিকা আছিল অন্যতম। অনন্য সংগীত, ষ্টাৰড’ম, মনপৰশা কাহিনী ইত্যাদি বিভিন্ন চিনেমেটিক দিশেৰে পৰিপুষ্ট ১৯৬০ দশকৰ এই ছুপাৰহিট চিনেমাখনেই হ’ল ‘আৰাধনা’।

বোলছবিখনৰ জনপ্ৰিয়তাত ইন্ধন যোগাইছিল এটি বিশেষ গীতে, যাৰ জনপ্ৰিয়তা আজিও অম্লান। সময়তকৈ আগবঢ়া সেই গীতটোৰ দৃশ্যায়নে সেই সময়ত sensationৰ সৃষ্টি কৰিছিল। মাত্ৰ এটা টেকতে চিত্ৰগৃহণ হোৱা গীতটোত দেখা গৈছিল নায়ক (ৰাজেশ খান্না) আৰু নায়িকা (শৰ্মিলা ঠাকুৰ)ক কিছু নিবিড় মুহূৰ্তত। কিশোৰ কুমাৰে কণ্ঠ দিয়া আৰু আনন্দ বক্সীয়ে লিখা এই জনপ্ৰিয় গীতটোৱে হ’ল- ‘ৰূপ তেৰা মস্তানা’, যি ৰূপৰ দৰে আজিও জিলিকি আছে। কিন্তু এই গানটোৰ সুৰ প্ৰথমতে এনেকুৱা নাছিল। এছ ডি বৰ্মনে বেলেগ এটা সুৰতহে গানটো সৃষ্টি কৰিছিল। কি পৰিস্থিতিত প্ৰথম সুৰটো পিছৰ সুৰটোলৈ ৰূপান্তৰিত হ’ল, তাৰ এটি মজাৰ কাহিনী আছে-

এছ ডি বৰ্মন আৰু কিশোৰ কুমাৰৰ সংগীতৰ ক্ষেত্ৰত ভাল বুজাবুজি আছিল। বিশেষ গানৰ লগত মিলাকৈ কিশোৰ কুমাৰৰ কণ্ঠটো খাপ খাবনে নাই, তাৰ বাবে বৰ্মনদাই কেতিয়াবা ৰাতি ফোনো কৰিছিল। এদিনৰ কথা- তেতিয়া মাজনিশা আৰু কিশোৰ কুমাৰ ভৰ টোপনিত। হঠাতে বাজি উঠিল টেলিফোন। কিশোৰ কুমাৰে খচমচকৈ সাৰ পাই উঠি ফোনটো ধৰিলে। কিন্তু সিফালৰপৰা কেৱল- “হেল্ল’ কিশোৰ, হেল্ল’ কিশোৰ” বুলি কয় আৰু তাৰপিছত ফোনটো কাটি দিয়ে। কিশোৰ কুমাৰে ভাবে- হঠাতে এই ৰাতিখন কিয়নো ফোন কৰে ! পাগল নেকি বাৰু মানুহজন ! কিশোৰে আকৌ ওলোটাই ফোন কৰে। সিফালৰপৰা এছ ডি বৰ্মনে হাঁহি হাঁহি ক’লে- “Wonderful ! কিশোৰ, তোৰ কণ্ঠটো শুনিবলৈকে ফোন কৰিছিলোঁ।” বৰ্মনদাই লগতে আকৌ ক’লে- “কিশোৰ, শক্তিপদে এখন চিনেমা আৰম্ভ কৰিছে। মই বিচাৰিছোঁ তোৰ কণ্ঠতো এটা গান থাকিব। Wonderful ! ভাটিয়ালি জিন্দাবাদ। কিশোৰ, তই ৰাতিপুৱা অমিতক লৈ মোৰ ঘৰলৈ গুচি আহ। …চিনেমাখনত এজন হিৰ’ আছে, নেপালীৰ দৰে দেখি…। তোক মাছ খুৱাম, কিন্তু গানৰ ভালকৈ ৰিহাৰ্ছেল কৰিব লাগিব।”

এছ ডি বৰ্মনে এটি বিশেষ দূৰবীণেৰে ঘৰৰ দ্বাৰৰক্ষীজনৰ লগত তাল-মিল ৰাখিছিল আৰু ধুতি-কুৰ্ত্তা পিন্ধা কোনোবা প্ৰযোজক আহিলে তাৰপৰাই খেদি দিবলৈ দ্বাৰৰক্ষীজনক কৈ থৈছিল। কাৰণ তেওঁৰ মতে- ধুতি পিন্ধা প্ৰযোজকৰ পইচা কম। সেয়েহে ছ্যুট-পেণ্ট পিন্ধা প্ৰযোজককহে আহিব দিব লাগে। পিছদিনা কিশোৰ কুমাৰ এছ ডি বৰ্মনৰ ঘৰত আহি উপস্থিত হ’লহি। লগত পুত্ৰ অমিত। শচীন দেৱ বৰ্মনে সেই সময়ত ওপৰ মহলাত ইফালৰপৰা সিফাললৈ খোজকাঢ়ি আছিল। কিশোৰ কুমাৰে মাতিলে- “শচীনদা।” শচীনদাই “ঐ কিশোৰ, তই আহিলি” বুলি কৈ ঘৰৰ ভিতৰলৈ সোমাই গ’ল। ইপিনে দৰ্জা নোখোলেহে নোখোলে। কিশোৰ আৰু অমিতে ভাবিলে- “কি হ’ল !”। এইফালে ঘৰৰ ভিতৰৰপৰা মিউজিকৰ শব্দও ভাঁহি আহিছে। কিশোৰে আকৌ এবাৰ শচীনদাক মাতিলে। কিন্তু ভাবৰ সাগৰত ডুব গৈ থকা বৰ্মনদাই কিশোৰক ক’লে- “ভিতৰলৈ আহ।” কিশোৰে ক’লে- “দৰ্জা কিয় খোলা নাই ?” শচীন দেৱ বৰ্মনে ক’লে- “ক’লিং বেল কিয় বজোৱা নাই ?” তাৰপিছত দৰ্জা খুলি দিয়াত ওপৰ মহলালৈ গৈ কিশোৰ কুমাৰে দেখিলে যে- সকলো চিনেমাখনৰ গানৰ ৰিহাৰ্ছেলত মগ্ন। এফালে এটা কোণত আৰ ডি বৰ্মন, শক্তি সামন্ত আৰু ৰাজেশ খান্না seriously বহি আছে। সকলো ফিল্মী মানুহ। সকলোকে চিন্তাত মগ্ন দেখি কিবা এটা যে হৈছে কিশোৰ কুমাৰে উমান পালে। তেনেতে এছ ডি বৰ্মনে ক’লে- “কিশোৰ, তোৰ গানটো তই ভালকৈ শিকি ল’বি। ভাটিয়ালি জিন্দাবাদ।” এইবুলি তেওঁ ভাটিয়ালি সুৰত গানটো গাবলৈ আৰম্ভ কৰিলে। ইপিনে, গানটোৰ সুৰ শুনি সকলো হতভম্ব। কাৰণ ক’ত এটা Hot Song আৰু ক’ত ভাটিয়ালি সুৰ ! তেনেতে পৰিচালক শক্তি সামন্তে কিশোৰ কুমাৰৰ কাষলৈ আহি সুৰটো ভাল লগা নাই বুলি কৈ কিবা এটা কৰিবলৈ খাটনি ধৰিলে। এছ ডি বৰ্মনে এইবোৰ দেখি-শুনি ধৰিব পাৰিলে যে গানটো শুনি কোনেও ভালপোৱা নাই।

হঠাতে কিশোৰৰ সৰুতে শুনা এটি গীতলৈ মনত পৰিল। সেই গীতটোৰ সুৰো এছ ডি বৰ্মনৰ নিজৰে। সুৰটো মনত পৰাৰ পিছত বৰ্মনদাক কিশোৰে ক’লে- “মই যেতিয়া হাফ পেণ্ট পিন্ধিছিলোঁ, তেতিয়া সৰুতে এটি গীত শুনিছিলোঁ।” এইফালে খঙতে অগ্নিশৰ্মা হৈ এছ ডি বৰ্মনে কিশোৰ কুমাৰক ক’লে- “কিশোৰ, মোৰ লগত একদম ধেমালি নকৰিবি। I don’t like it. শক্তিক ক ছবিখনত ৰাহুলক ল’বলৈ, মই নাথাকোঁ। যদি মই থাকিব লাগে তেন্তে ভাটিয়ালি সুৰেই থাকিব লাগিব।” তেতিয়া কিশোৰ কুমাৰে আকৌ ক’লে- “শচীনদা শুনকচোন, মই যেতিয়া সৰু আছিলোঁ, এটি গান শুনিছিলোঁ। গানটোৰ সুৰ বৰ মজাৰ আছিল।” এছ ডি বৰ্মনে সুধিলে- “কোনটো ?” কিশোৰে ক’লে- “বহু বছৰৰ আগতে আপুনিয়ে সুৰ দিছিল।” গানটো যিহেতু বাংলাতে আছিল কিশোৰ কুমাৰে এছ ডি বৰ্মনক শুনাবলৈ ধৰিলে- “একটু বাদে শশুৰবাৰী, গিয়ে দেবো আমি হামাগুৰি, শুন বধু শুন বধু শুন বধু সুন্দৰী…।” সেই সুৰটো মনত পৰাত এছ ডি বৰ্মন ইমানেই আনন্দিত হ’ল যে তেওঁ কিশোৰ কুমাৰক ক’লে- “ব’ল, আমি মাছ ধৰিবলৈ যাওঁ। আজিলৈ গানৰ ৰিহাৰ্ছেল cancel।” কাৰণ তেওঁ সুৰৰ সন্ধান পাই গ’ল।

পিছত গানটো এই সুৰতে ৰেক’ৰ্ড কৰা হ’ল, যি তেতিয়াৰ দৰে এতিয়াও সমানেই জনপ্ৰিয় হৈ আছে। ৰেক’ৰ্ডিঙৰ সময়ত শচীন দেৱ বৰ্মন অসুস্থ হৈ পৰাত পুত্ৰ আৰ ডি বৰ্মনে বাকী থকা কামখিনি সম্পূৰ্ণ কৰিছিল। এনেদৰেই সৃষ্টি হ’ল বলীউডৰ সৰ্বকালৰ এটি অন্যতম জনপ্ৰিয় গীত- ‘ৰূপ তেৰা মস্তানা।’ এই গানটোৱে কিশোৰ কুমাৰৰ জীৱনলৈ আনি দিলে প্ৰথমটো ফিল্মফেয়াৰ এৱাৰ্ড।

More on this topic

webcam-chat-online-live-private.com

2.0 rating
April 14, 2021

Naked free video chat live webcam

RafaelSog

There's More Than One Crumple for Gay Men to Secure Intimacy

2.0 rating
April 12, 2021

Very good message
lebiansex

Williamchork

no prescription viagra mastercard fdgsevofbldpeemoBtjPlozyd

4.0 rating
January 5, 2021

get viagra in canada buying viagra sydney viagra prescription

FgrsAxoff

viagra dubai location fdgsevofbldpeemoBtjPlozyq

3.0 rating
January 5, 2021

viagra tablets viagra online from india viagra delivery usa

FgrsAxoff

buying viagra gold online fdgsevofbldpeemoBtjPlozyx

2.0 rating
January 4, 2021

viagra chewing gum is viagra over the counter in mexico best price viagra no presription

FgrsAxoff

Comments

LEAVE A REPLY

Please enter your comment!
Please enter your name here

Popular stories

M. Tayfur Aydinৰ ‘Black Crow’ (Siyah Karga) চিনেমাখন সম্পৰ্কে কিছু অনুভৱ

শিপাৰ পৰা আঁতৰি গ'লে মানুহৰ স্থিতি নোহোৱা হৈ যায়। নিজৰ শিপা পাহৰি যোৱা মানুহবোৰে গোটেই জীৱন শিপাৰ সন্ধান কৰি থাকোঁতেই পাৰ হৈ...

বুলবুল- অন্ধবিশ্বাস, নাৰীবাদ, অলৌকিকতা আৰু পুৰুষতান্ত্ৰিক সমাজৰ চিনেমেটিক সংমিশ্ৰণ

যুগ যুগ ধৰি এখন সমাজত নাৰীৰ প্ৰতি হৈ অহা অত্যাচাৰ আৰু তাৰ বিৰুদ্ধে লোৱা প্ৰতিশোধৰ পৰিণতিয়ে হৈছে বুলবুলৰ অলৌকিক শক্তি।

খোজকাঢ়ি থাকোঁতেই সৃষ্টি হোৱা ৰাণাদাৰ বিখ্যাত গীতটো

By Team TJC | 20 September, 2020 জয়ন্ত হাজৰিকা (ৰাণাদা)- নতুন...